Мемлекеттік Ту
Қазақстан Республикасының Мемлекеттік Туы — ортасында шұғылалы күн, оның астында қалықтап ұшқан қыран бейнеленген тік бұрышты көгілдір түсті мата. Тудың сабының тұсында ұлттық өрнек тік жолақ түрінде нақышталған. Күн, оның шұғыласы, қыран және ұлттық өрнек бейнесі алтын түстес. Тудың ені мен ұзындығының қатынасы — 1:2.
- Күн мен 32 шұғыла — өмір мен байлықтың символы. 32 шұғыла астық дәндерін білдіреді.
- Дала қыраны — еркіндік, биік мақсат, күш-қуат пен батылдықтың символы.
- Көгілдір түс — аспан мен бейбітшіліктің, түркі халықтарының қасиетті түсі.
- «Қошқар мүйіз» өрнегі — қазақ халқының мәдени мұрасы.
Мемлекеттік Елтаңба
Қазақстан Республикасының Мемлекеттік Елтаңбасында көгілдір түс аясында шаңырақ бейнеленген, шаңырақты айнала күн сәулесіндей тарап уықтар шаншылған, оны аңыздардағы тұлпарлар қанаты көмкеріп тұр. Елтаңбаның жоғарғы бөлігінде бесағалы жұлдыз, төменгі жағында «Қазақстан» деген жазу орналасқан.
- Шаңырақ — киіз үйдің күмбезі, отбасы мен Отан символы. Елтаңбаның жүрегі.
- Тұлпарлар — батылдық пен күш-қуаттың символы. Қанаттары — халықтың мың жылдық арманы.
- Бесағалы жұлдыз — әр адамның жүрегіндегі арман мен мақсаттың символы.
Мемлекеттік Әнұран
«Менің Қазақстаным» — Қазақстан Республикасының Мемлекеттік Әнұраны. 2006 жылғы 6 қаңтарда Парламент палаталарының бірлескен отырысында ресми бекітілді. Мемлекеттік Әнұранды тыңдаған немесе орындаған кезде азаматтар орнынан тұрып, оң қолын жүрекке қояды.
Конституциялық заң
«Қазақстан Республикасының Мемлекеттік рәміздері туралы» Конституциялық Заң 2007 жылы 4 маусымда қабылданған. Осы Заңға сәйкес жыл сайын 4 маусым — Мемлекеттік рәміздер күні ретінде мерекеленеді.
Дереккөз: akorda.kz · senate.parlam.kz-
ҚР Мемлекеттік Ріміздерінің насихатталуы туралы жылдық іс-шара жоспары 2025-2026 оқу жылыСоңғы өзгеріс: 02.06.2026
